प्रेस विज्ञप्ति: संकटमा ‘कू’ राजनीति नगरौं

मन्त्री परिषद्को सिफारिसमा राष्ट्रपतिबाट जारी भएका राजनीति दल सम्बन्धी ऐन र संवैधानिक परिषद् सम्बन्धी ऐनलाई संसोधन गर्ने अध्यादेश संविधा...

मन्त्री परिषद्को सिफारिसमा राष्ट्रपतिबाट जारी भएका राजनीति दल सम्बन्धी ऐन र संवैधानिक परिषद् सम्बन्धी ऐनलाई संसोधन गर्ने अध्यादेश संविधानले परिकल्पना गरेको नियन्त्रण तथा सन्तुलनको सिद्धान्त विपरीत, राजनीतिक अस्थिरता निम्त्याउने, समाजलाई नियन्त्रणमुखी बनाउने विगतकै श्रृंखलाको निरन्तरता स्वरूप, अहिलेको प्राथमिकता विपरीत र कोभिड -१९ विरुद्धको लडाइँमा आफ्नो सरकारका असफलताबाट नागरिकहरूको ध्यान विकेन्द्रित गर्ने दूषित मनसायले ल्याइएको भन्ने हाम्रो ठहर छ ।


तसर्थ, उक्त अध्यादेश सरकारले तुरुन्तै फिर्ता लिएर कोभिड -१९ को विरुद्द सरकार सम्पूर्ण रुपले लागोस् भन्ने विवेकशील नेपाली दल जोडदार माग गर्दछ ।

संविधानको धारा ११४ ले संसदको बैठक नबसेको समयमा केही गर्न अत्यावश्यक भए मन्त्री परिषद्को सिफारिसमा राष्ट्रपतिले अध्यादेश जारी गर्न सक्ने व्यवस्था गरेको छ । अहिले देशको एउटै मात्रै प्राथमिकता कोभिड -१९ विरुद्धको प्रतिकार्यलाई रणनीतिक ढंगले, कार्य कुशलतापूर्वक र योजनाबद्ध रूपमा युद्ध स्तरमा अगाडि बढाउनु हो । यो क्षेत्रमा सोचेको रूपमा चाहिएको जसरी काम नगरी अत्यावश्यक नरहेको र देशको लोकतान्त्रिक प्रक्रिया र शासन प्रणालीमा नै दूरगामी असर पार्ने अध्यादेश ल्याइनु खेदजनक छ ।

राजनीतिक दल सम्बन्धी ऐन र विशेष गरी त्यसको धारा ३३ हाम्रो करीब ३० वर्षको राजनीतिक अनुभव र अन्य देशहरूको अभ्यास र सिकाइबाट ल्याइएको ऐन हो । त्यसमा हठात् रूपमा विना कुनै छलफल संसोधन गर्नु संविधानको धारा ११४ मा संकेत गरिएको आवश्यकताको सिद्धान्त विपरीत त हुन्छ नै, त्यसले राजनीतिक दल विभाजनको लागि राखिएको प्रावधानलाई खुकुलो बनाई राजनीतिक अस्थिरतालाई मलजल गर्नेछ । र, हेक्का रहोस्, राजनीति अस्थिरता निम्त्याउने कुनै पनि कदम जनमत विरुद्ध छ ।

संवैधानिक परिषदमा प्रमुख विपक्षी दलको नेता समावेश हुने व्यवस्था २०४७ सालमा जारी संविधानमा राख्न तत्कालीन वाम गठबन्धनको भूमिका रहेको भनी हालका नेकपाका नेताहरूले नै दावी गरिरहेको अवस्था छ । उक्त व्यवस्थाले संवैधानिक आयोगहरू तथा न्यायालयका प्रमुखको नियुक्तिको सम्बन्धमा नियन्त्रण र सन्तुलनको व्यवस्था कायम गरी लोकतान्त्रिक मूल्य मान्यतालाई कायम राख्न सहयोग पुर्याएका छन् । विगत ३० वर्षको अभ्यासलाई कमजोर बनाउनुपर्ने अवस्था यो समयमा किन आइपर्यो ? कि स्वास्थ्य सामग्री खरिद गर्नेहरूलाई जोगाउन, ७० करोड घुस प्रकरणमा आफ्ना सहयोगीलाई जोगाउन, नेपाल ट्रष्टको जग्गा वितरण गर्नेहरूलाई बचाउन यो भन्दा कमजोर अख्तियार दुरुपयोग अनुसन्धान आयोग चाहिएको हो ? कि त्यसको न्यायिक निरुपण हुने अदालतमा नियुक्ति हुनेहरूले वालुवाटारमा आएर मुट्ठी बटारेर शपथ खानुपर्ने बनाउन खोजिएको हो ? र त्यसमा विपक्षी दलका नेता बाधक भएका हुन् ?

अर्को तर्फ कोभिड-१९ को महामारीले संसार विषम परिस्थितिको सामना गरिरहेको छ र मानव जीवन माथि नै सङ्कट उब्जिएको छ। यो विषम परिस्थितिमा सत्ताधारी दल नेकपा भित्रको व्यक्तिवादी किचलोले नेपाली नागरिकहरूमा राजनीति, सरकार र नेताहरू प्रति थप वितृष्णा थपेको छ। संसारभर मानव जीवन नै सङ्कटमा परेको अवस्था पनि दललाई टुटफुटको लागि उकास्नु हाम्रा नेताहरू विवेक शून्य भएको थप प्रमाणित भएको छ। साथै, सत्ता र शक्तिको खेलमा अमानवीय व्यवहार गरिरहेको पुष्टि हुन्छ ।

राज्य जतिसुकै आपतकालीन अवस्थामा भए पनि राज्य सञ्चालनको प्रमुख उद्देश्य नै आफ्ना आसेपासेलाई पोस्ने रहेको यस सरकारको अध्यादेश कदमले नागरिकको हितमा यसले काम गर्दैन भन्ने प्रष्ट भएको छ ।

यसको प्रतिरोध आवश्यक छ र हामी सम्पूर्ण नागरिकहरूलाई आफू रहेको ठाउँबाट नै सरकारको कदम तथा सरकारको नेतृत्वको विरोध गर्नुहुन आह्वान गर्छौं । विवेकशील नेपाली दल सरकारको यो कदम फिर्ता लिन नागरिकहरुको तर्फबाट विरोधका विभिन्न कार्यक्रमहरु घोषणा गर्ने अनि आवश्यक परे सडकमै उत्रने चेतावनी समेत दिन चाहन्छ । यस विपद्को परिस्थितिबाट यस सरकारले पार लगाउन नसक्ने र त्यसको मूल्य समग्र देशले नै व्यहोर्नु पर्ने भएकोले सरकारको विकल्प सोच्न पनि हामी नेकपाको पार्टी पंक्तिलाई आह्वान गर्छौं ।

धन्यवाद ।

नेपाल आमाको जय होस् !

अजीता राई
उपाध्यक्ष
विवेकशील नेपाली दल
२०७७/१/९

COMMENTS

Name

annualreport,2,blog,4,campaign,13,ccmember,1,debate,4,document,1,govindanarayan,1,ideology,4,interview,12,news,2,newsletter,1,policy,2,pressrelease,52,stands,10,sticky,1,update,25,video,14,ब्लग,1,
ltr
item
विवेकशील नेपाली: प्रेस विज्ञप्ति: संकटमा ‘कू’ राजनीति नगरौं
प्रेस विज्ञप्ति: संकटमा ‘कू’ राजनीति नगरौं
https://1.bp.blogspot.com/-DxzJEHtjfuk/XgWk_Y80ruI/AAAAAAAAC2w/y_QDm2OK7VU7Zk-uCZlOZjwwphCOa5PigCPcBGAYYCw/s320/Press%2BRElease.jpg
https://1.bp.blogspot.com/-DxzJEHtjfuk/XgWk_Y80ruI/AAAAAAAAC2w/y_QDm2OK7VU7Zk-uCZlOZjwwphCOa5PigCPcBGAYYCw/s72-c/Press%2BRElease.jpg
विवेकशील नेपाली
https://www.bibeksheelnepali.com/2020/04/blog-post_21.html
https://www.bibeksheelnepali.com/
https://www.bibeksheelnepali.com/
https://www.bibeksheelnepali.com/2020/04/blog-post_21.html
true
1483124868892463538
UTF-8
Loaded All Posts सामग्री पाईएन! सबै हेर्न पुरा पढ्न Reply Cancel reply Delete By Home पृष्ठहरु सामग्रीहरु अरु सबै हेर्न सम्बन्धित सामग्री लेबल अर्काईभ सामग्री खोज्न यहाँ सबै सामग्री यहाँले खोज्नु भएको सामग्री भेटिएन! गृह पृष्ठमा फर्किन Sunday Monday Tuesday Wednesday Thursday Friday Saturday Sun Mon Tue Wed Thu Fri Sat January February March April May June July August September October November December Jan Feb Mar Apr May Jun Jul Aug Sep Oct Nov Dec just now 1 minute ago $$1$$ minutes ago 1 hour ago $$1$$ hours ago Yesterday $$1$$ days ago $$1$$ weeks ago more than 5 weeks ago Followers Follow THIS PREMIUM CONTENT IS LOCKED STEP 1: Share. STEP 2: Click the link you shared to unlock Copy All Code Select All Code All codes were copied to your clipboard Can not copy the codes / texts, please press [CTRL]+[C] (or CMD+C with Mac) to copy