वारम्बारका प्रश्न

संस्करण १.१
हाम्रो बारेमाहाम्रा कार्यहरूहाम्रो साङ्गठनिक संरचनाकसरी मद्दत गर्न सक्नुहुन्छ तपाईँलेभिडियो परिचय

तपाईँ को हुनुहुन्छ ?
हामी ऊर्जाशील, सकारात्मक, प्रतिबद्ध र विवेकशील नेपालीहरूको नयाँ राजनीतिक दल हौँ । नेपाललाई शान्त र संवृद्ध बनाउन आवश्यक स्पष्ट मार्गदिशा र तागत हामी संग छ । हामी वर्तमान अक्षम राजनीतिक शक्तिहरूको दासत्व शिकार हुँदै आएका छौं । यो दासत्त्वको विरुद्ध हामी सकृय रूपले लाग्नेछौं । थप जानकारीका लागि हाम्रो मार्गदृष्टि पत्र हेर्नुहोस् –

तपाँई के गर्दै हुनुहुन्छ ?
हामीले एउटा यस्तो राजनीतिक दल बनाउँदैछौ जसले अहिलेका अनैतिक र गैर जिम्मेवार राजनीतिक शक्तिहरूको दासत्त्वबाट आम नेपालीहरूलाई स्वतन्त्र तुल्याउँन र उनीहरुलाई समृद्ध नेपाल बनाउन प्रेरित गर्नेछ । हामी अहिले यस दलका लागि आवश्यक साङ्गठनिक पूर्वाधारको विकासमा केन्द्रित छौँ ।

यो किन गर्दै हुनुहुन्छ ?
अहिले नगरे कहिले ? हामीले नगरे कसले ? हामीलाई सधैँ भरि पीडित भई बस्न मन छैन । अब हामी चुप बस्न सक्दैनौं । त्यसैले हामी नै यो समस्याको हल गर्न अगाडि बढेका छौं । रुख रोप्ने सबैभन्दा ठीक बेला २० वर्ष अघि थियो। त्यस पछिको ठीक बेला भनेको अहिले हो। अब पनि सहेर बस्यौँ भने त हामी जिउंदै मरेतुल्य हुन्छौँ त्यसैले यो जिवन सफल बनाउनु छ भने आजैबाट यो देशको संमृद्धिको लागि पसिना चुहाउनु र विवेक चलाउनु पर्छ – नत्र ढिलो हुन्छ।

कसरी गर्दै हुनुहुन्छ त ?
हामीले ३ तहमा परिवर्तन ल्याउनेछौं –
पहिलो – व्यक्तिगत तह: हामी राष्ट्र र व्यक्तिको सफलताको लागि हरेक नागरिकमा जिम्मेवारीबोध र असल आचरण आवश्यक छ भन्ने सूचना प्रवाह गर्ने छौँ र उनीहरु लाई राष्ट्र निर्माणको वृहत् प्रक्रियामा समेट्ने छौँ ।
दोस्रो – सामाजिक तह: हामी सामाजिक सद्भाव, एकता, शान्ति र सहकार्यबाट मात्र दिगो विकास सम्भव छ भन्ने सूचना प्रवाह गर्ने छौँ र समाजलाई त्यस उन्मुख हुन प्रेरित गर्ने छौँ ।
तेस्रो – सरकारी तह : एउटा जिम्मेवार, नैतिक र उदाहरणीय राजनीतिक शक्तिको रूपमा प्रस्तुत भई परम्परागत व्यक्तिवादी कुशासनलाई योग्यतामुखी सुशासनमा रूपान्तरण गर्नेछौं।

के तपाईंहरूको यो राजनीतिक दल हो?
हो हामी हाम्रै कालमा आर्थिक र सामाजिक क्रान्तिको लागि राजनीतिक दल नै हौँ ।

तपाईँ आफ्ना प्रतिद्वन्दीहरु भन्दा भिन्न कसरी हुनुहुन्छ त ?
बोलेर होइन, गरेर देखाउँछौँ हामी। नेपालमा बोल्ने, लेख्‍ने धेरै भए, अब गर्नेको पालो आएको छ।

यसका संस्थापकहरू को-को हुन् र तिनको पृष्ठभूमि कस्तो छ ?
यसका संस्थापकहरू आ-आफ्ना क्षेत्रमा दक्ष विवेकशील नेपालीहरू हुन् । कोही उद्दमी हुन् भने कोही सामाजिक र राजनीतिक अभियानकर्ता । कोही विद्यार्थी त कोही डाक्टर – ईन्जिनियर, कोही किसान त कोही मजदुर साथीहरू । यसको नेतृत्व तपाईँको लागि पनि खुल्ला छ। हाम्रो दलको निर्माणाधीन नेतृत्वलाई हामी चाँडै नै सार्वजनिक गर्नेछौं ।

यो दलको नेतृत्व क-कसले गर्नेछन् ?
यो दल भित्र ३ धारले नेतृत्व गर्नेछ – न्यायपालिका, व्यवस्थापिका र कार्यपालिका। यी तिनै एक आपससँग मिलेर यो दल चलाउने छन्। साथ-साथै एकले अर्कोलाई खबरदारी गर्नेछन्। नेतृत्वको नियमित निर्वाचन र फेरबदल भै राख्नेछ।

सक्नुहुन्छ त यो सिस्टम परिवर्तन गर्न ?
अहिले नगरे कहिले गर्ने त ? तपाईँ, हामीले नै नआँटे कसले गर्छ? हामी अवश्य सक्छौँ । जिम्मेवार नागरिक र जवाफदेही नेतृत्व मिलेर नै बनाउँछ शान्त समृद्ध नेपाल भन्ने कुरो हामीले गरेर देखाउँछौँ ।

के नेपालीले तपाईँलाई विश्वास गर्छन् त ?
विश्वास भनेको जित्ने हो, किनेर पाईँदैन। हामी गरेरै देखाउन कस्सिएका छौँ । हाम्रो कामले नै हामीलाई चिनाउँछ। हाम्रो काम हेरेर विश्लेषण गर्नुहोला। आउनुहोस् तपाई पनि, सँगै मिलेर विश्वास जितौँ !

हामीले अहिले सम्म के गरेका छौँ ?
यस दलका नेतृत्वले विभिन्न सामाजिक, आर्थिक र राजनितिक अभियानहरु चलाएका छन्। यस मध्य केही तल लेखिएका छन्।
“नेपाल खुल्ला छ” भन्ने बन्द विरुद्ध नागरिक अभियान चलाएका थियौँ।
“ ज्याला पुरा लियौँ , अब संविधान देऊ” भन्दै अर्को दवाबमूलक अभियान चलाएका थियौँ ।
“परिवर्तनको लागि हामी नेपाली एक” जस्तो नेपालीलाई एक बनाउने अभियानमा अहम् भूमिका खेलेका थियौँ।
कालमोचन जस्तो मन्दिरको जिर्णोद्वार गरेका थियौँ, बागमती बचाउने अभियानमा लागेका थियौँ ।
“भ्रष्टाचारीलाई किरा परोस्” अभियानमा संलग्न भएका थियौँ ।
नेपालीहरुलाई रोजगारको अवसर बढाउनको लागि उद्दमशील कार्यमा लाग्न नेपालीहरुलाई धकेल्ने कामहरुमा लागेका छौँ।
देशमा उद्दमीहरु बढाउने काममा लागेका छौँ ।

तपाईँको अबको भावी अभियानको बारेमा केही बताइदिनुहुन्छ ?
विस्तृत जानकारीको लागि हाम्रो वेबसाईट www.leadnepal.com हेरि रहनु होला।

तपाईँहरूले के यस्तो जटिल स्थितिबाट उन्मुक्ति पाउन सक्नुहुनेछ ?
हामी राजनीतिमा परिवर्तनको लहर लिएर आउँछौ। संकटलाई अवसरको रूपमा लिएर अगाडि बढ्नेछौँ ।

हाम्रो साङ्गठनिक संरचना


यस राजनीतिक दलको संरचना कस्तो हुन्छ त ?
हाम्रा ३ संरचना – न्यायपालिका, कार्यपालिका र व्यवस्थापिका – सँगसँगै काम गर्छन् तर एक अर्का बाट स्वतन्त्र पनि रहन्छन् । हाम्रा संरचनाहरू जवाफदेही र पारदर्शिताका सिद्धान्तमा आधारित हुनेछन्। छिटो र प्रभावकारी ढंगबाट आन्दोलन गर्न, अभियान सञ्चालन गर्न हाम्रो कार्यकर्ताहरू लाई स्वायत्त बनाउछौँ ।

अरु राजनीतिक पार्टी र शक्तिहरूले कसरी प्रतिवाद गर्छन् त ?
पहिले त उनीहरूले हाम्रो वास्ता गर्दैनन्। अनि हामी देखि हाँस्न थाल्छन् । त्यस पछि हामी सँग प्रतिवाद गर्न जाई लाग्छन् । नसके पछि आप्नो अन्त्यको दिन गन्ती गर्न थाल्छन्। अन्तत हाम्रो जित हुन्छ।

यस राजनीतिक दलको पछाडि को लाग्छन् त ? कुनै समूहलाई लक्षित गर्नु भएको छ ?
कुनै पनि नेपाली जसले आफ्नो विवेक चलाँउछ, उ यसको सदस्य हुनेछ र हामीलाई सहयोग गर्नेछ, नेपालमा सकरात्मक परिवर्तन ल्याउन। हामी कुनै जात, समूह वा वर्गलाई लक्षित गर्ने छैनौं। हामी हाम्रो काम, विवेक र संस्था समावेशी ढंगबाटै चलाउनेछौँ।

तपाईँले कताबाट सदस्य तथा सहयोगीहरू भेट्टाउनुहुन्छ त ?
समाज र देशलाई गुण लगाउन चाहने जो कोही पनि युवा ऊर्जा बोकेका बुज्रुक, ज्ञानी यस दलको मुटु हुनेछन् ।

कसले मद्दत गर्छन् त यो दल चलाउनको लागि ?
तपाई जस्तै यो देश र यसका नागरिकको भलो चिताउने असल मानिसहरुको भौतिक एव आर्थिक सहयोगबाट यो संस्था चल्नेछ। हाम्रो सम्पूर्ण हिसाब किताब तथा खर्चहरू इन्टरनेट मार्फत् खुला रूपमा राख्नेछौँ ।

कसरी भिन्न हुनुहुन्छ त अरु भन्दा ?
  • पहिले त हाम्रो काम गराइ नै फरक छ । अरु बोल्छन् मात्र, हामी गर्छौँ । अरु बेइमान छन्, हामी इमान्दार छौँ । अरु बेढंगी छन् तर हाम्रो ढंग छ । अरु फुटन उक्साउँछन्, हामी जुटन प्रेरित गर्छौँ । अरु विध्वंस चाहन्छन्, हामी विकास चाहन्छौँ ।
  • यो दल यस्तो ढाँचामा बनाइएको हुन्छ कि सबैभन्दा सक्षम नेतृत्व नै सबैभन्दा माथि पुग्छन् ( र क्रमबद्ध रूपमा नेतृत्व फेरिनै रहनेछन्)
  • हरेक तहमा यो दलमा चेक एन्ड ब्यालेन्स हुन्छ जसले नैतिकवान् र सक्षम नेतालाई बढी जिम्मेवारी र अवसर प्रदान गर्नेछ।
  • उच्च तहका नेतृत्वले यस राजनीतिक दलाई आफ्ना सदस्यहरूलाई राजनीतिक नेतृत्व सिकाउने दलको रूपमा चलाउनेछन् ।
  • यस दल भित्रको संरचना यसरी बनाइएको हुन्छ कि जसले नेतृत्वको फेरबदल चुस्त र नियमित रूपमा गरि रहन्छ।
  • खुला र पारदर्शी तरिकाले संगठन चलाउँनेछौँ ।
  • झुटा तथा अनियमित हुन्नौँ, कानुनलाई मान्नेछौँ ।
  • बोल्न र गर्नमा एकरूपता हुनेछ ।
  • सकारात्मक सामाजिक काम नै हाम्रो हरेक राजनीतिक प्रक्रियाको जड हुनेछ।
  • सदस्यको मूल्यांकन उसको योग्यताको हिसाबबाट हुनेछ, उसको बफादारी बाट मात्र होइन ।
  • भित्री भ्रष्टाचार छानबिन समिति हुनेछ जसले स्वतन्त्र रूपमा काम गर्ने छ र कुनै पनि सदस्यलाई बर्खास्त समेत गर्न सक्नेछ।
  • एउटा विशुद्ध नेतृत्व अवकाशको रणनीति हुनेछ ।
  • सत्य तथा पुनर्मिलन समूहहरू हुनेछन् जसले विभिन्न समुदाय र पीडितहरू बीच संवाद शुरु गर्नेछ ।
  • हाम्रो नेतृत्व चयनको मन्त्र, “आफ्नो मान्छे होइन, राम्रो मान्छे” हुनेछ ।
  • हामी संसार भरि भएका विभिन्न आर्थिक, सामाजिक, र राजनीतिक सफलतालाई अँगाल्न सधैँ तत्पर हुनेछौँ ।

तपाईँ काठमाडौँ मुखी हो ?
होइन हामी दुनियामुखी हौँ । यो दल शुरु गर्नुको अर्थ नै नेपाल र नेपालीहरू जता-ततै फस्टाऊन् चाहे त्यो नेपालको कुना-काप्चामा होस् वा संसार भरि । हामी हाम्रो दलभित्र पनि विकेन्द्रीकरणको अभ्यास गर्नेर्छौँ । हामी जे आव्हान गर्छौँ त्यो पहिले आफै अँगाल्छौँ ।

के तपाईँ जस्तालाई पनि सदस्य दिनु हुन्छ ?
यदि यस देशको वर्तमान र भविस्य प्रति चिन्तित हुनुहुन्छ र परिवर्तनका लागि केही गर्न चाहनु हुन्छ भने आउनुस् यस दलमा तपाईंलाई स्वागत छ । हाम्रो एकाग्रता जहिले पनि यस्तो नैतिक नेतृत्वमै हुनेछ जसले आफै उदाहरण र नैतिक इमान्दारी अनि नियमित फेरबदललमा केन्द्रित हुनेछ।

के तपाईँ पनि बाहुन- क्षेत्रीमुखी हो कि ?
हामी कुनै जात वा वर्गको पेवा होइनौँ । हामी नेपाली हौ र हामी शैक्षिक योग्यता मात्र नभई सबै खाले राम्रा योग्यता र गुणको पारखी हौँ । यो संगठन त्यही आधारमा चल्छ र एक राम्रो उदाहरण प्रस्तुत गर्छ ।

४. कसरी मद्दत गर्न सक्नुहुन्छ तपाईँले ?

सक्नुहुन्छ भने कृपया महिनामा १ दिन हामीलाई मद्दत गर्न आउनुहोस् वा/र महिनामा १ दिनको तलबले हाम्रो कामलाई मद्दत गर्नुहोस् , हामी तपाईँ प्रति आभारी हुनेछौँ ।
आफ्नो योगदान दिनुहोस्, बोलेर मात्र होइन, गरेर पनि है अब ।
यदि इन्टरनेट चलाउनुहुन्छ भने यहाँ जानुहोस् यो शुरुवात गर्न। bibeksheelnepali.org
यदि पत्र लेख्‍नुहुन्छ भने पोस्ट बक्स १४४७८ , महाराजगँज, चक्रपथ, काठमाडौँ , नेपालमा पठाउनुहोला।
ईमेल चाहिँ यहाँ : bibeksheelnepali@gmail.com
फोन: 9851149214 ९८५११४९२१४

हात्ती आयो हात्ती आयो फुस्सा त हुने होइन ?
नेपालमा धेरै बोल्ने, लेख्ने, पढ्नेहरु भए, अब गर्नेको दिन आयो। हामीले गरेरै देखाउने हो।
एकै दिनमा त देश बन्दैन तर अहिलेको भन्दा राम्रो नेपाल बनाएरै छौडछौँ हामीले ।

COMMENTS

Name

blog,3,campaign,11,ccmember,1,debate,3,document,2,govindanarayan,1,ideology,4,interview,4,news,4,policy,1,pressrelease,10,stands,10,sticky,1,update,23,video,10,ब्लग,1,
ltr
static_page
विवेकशील नेपाली: वारम्बारका प्रश्न
वारम्बारका प्रश्न
विवेकशील नेपाली
https://www.bibeksheelnepali.com/p/faq.html
https://www.bibeksheelnepali.com/
https://www.bibeksheelnepali.com/
https://www.bibeksheelnepali.com/p/faq.html
true
1483124868892463538
UTF-8
Loaded All Posts सामग्री पाईएन! सबै हेर्न पुरा पढ्न Reply Cancel reply Delete By Home पृष्ठहरु सामग्रीहरु अरु सबै हेर्न सम्बन्धित सामग्री लेबल अर्काईभ सामग्री खोज्न यहाँ सबै सामग्री यहाँले खोज्नु भएको सामग्री भेटिएन! गृह पृष्ठमा फर्किन Sunday Monday Tuesday Wednesday Thursday Friday Saturday Sun Mon Tue Wed Thu Fri Sat January February March April May June July August September October November December Jan Feb Mar Apr May Jun Jul Aug Sep Oct Nov Dec just now 1 minute ago $$1$$ minutes ago 1 hour ago $$1$$ hours ago Yesterday $$1$$ days ago $$1$$ weeks ago more than 5 weeks ago Followers Follow THIS PREMIUM CONTENT IS LOCKED STEP 1: Share. STEP 2: Click the link you shared to unlock Copy All Code Select All Code All codes were copied to your clipboard Can not copy the codes / texts, please press [CTRL]+[C] (or CMD+C with Mac) to copy